Suhrobi Safarzod (Moeini Tojik)
– Шояд шумо ҳис карда бошед, ки одамон ҳамеша ба ҳаёти шахсии чеҳраҳои шинохта таваҷҷӯҳи зиёд доранд. Мехостам дар бораи ҳаёти шахсиатон чанд сухан бигӯед?
– Ман зани комилан хушбахтам. Зиндагии тинҷу осуда дорам ва мехоҳам бигӯям: Шукри Худо мекунам, мисли шумо мухлисони азизро дорам ва ҳамеша мекӯшам барои болидагии табъи шумо дар талошу ҷустуҷӯҳо бошам, таронаҳои ба дили шумо наздикро пайдо намуда, дар базмҳои идонаатон ширкат варзам ва шарики шодиҳои мардуми азизам гардам. Хеле шодам, ки таваҷҷӯҳатон нисбат ба мо, ҳунармандон зиёд аст. Ин гувоҳи фарҳангдӯстиву маърифати баланди шумо аст.
– Айни замон шумо бо савту навои дилпазиратон хотири кадом ҷамоаро шод карда истодаед?
– Субҳи имрӯз, яъне 22 март бо даъвати Ҳукумати шаҳри Истаравшани бостонӣ ба ин диёри куҳанбунёд омадем. Дар варзишгоҳи бузург ва дар ҷашни зебои наврӯзии ин мардуми ҳунарпарвар ва қадршинос, ки ин иди некиву покизагиро аз рӯйи эътиқод ба ниёгон гиромӣ медоранд, иштирок намуда, як ҷаҳон нишот фаро гирифт моро. Мардуми Истаравшан аз қадим нисбати ҳунару ҳунарманд таваҷҷӯҳи хосае доранд. Аз истиқболу пазироии гармашон ва дастурхони пурфайзу баракаташон, ки бо завқи махсус омода намудаанд, баҳраманд гашта, хастагии хешро эҳсос намекунам.
Подробнее...
